KFOR thirrje protestuesve: Shmangni dhunën

Ushtarët e KFOR-it të Komandës Rajonale-Lindje nga Kompania Italiane, kanë qëndruar në Leposaviç, gjatë gjithë javës, duke ofruar siguri për të gjithë qytetarët atje.

Ata kanë kërkuar nga të gjithë protestuesit të qëndrojnë të qetë dhe të shmangin veprimet e rrezikshme apo të dhunshme.

“Ushtarët e Forcave të Kosovës (KFOR), Komanda Rajonale-Lindje (RC-E), nga Kompania Italiane e bashkangjitur në 2-151 Inf. Bn., Ekipi Luftarak i Brigadës 76 të Këmbësorisë, qëndron gati në objektin e Komunës së Leposaviçit të premten, 3 qershor 2023. Ushtarët e RC-E kanë ofruar siguri në Leposaviç gjatë gjithë javës për të ruajtur një mjedis të sigurt për të gjithë njerëzit e Kosovës. RC-E njeh të drejtën për protesta paqësore dhe mbështet dialogun konstruktiv. Kërkojmë nga të gjithë protestuesit të qëndrojnë të qetë dhe të shmangin veprimet e rrezikshme apo të dhunshme. Komanda Rajonale-Lindje, si pjesë e KFOR-it, është e përkushtuar ndaj të gjitha komuniteteve të Kosovës sipas mandatit të KS të OKB-së 1244 të vitit 1999”, thuhet në reagimin e kësaj komande.

LEXONI GJITHASHTU:

• Komandanti i KFOR përgëzon ushtarët e lënduar: Parandaluat viktima të shumta civile
• Drejtuesi i organizatës serbe në veri: I kërkojmë falje KFOR-it