“S’jam emocional”, Bardhi: Dhuna pas mbledhjes së kryesisë, sjellje paramilitare

Deputeti i Partisë Demokratike, Gazment Bardhi foli këtë të enjte para parlamentit për dhunën verbale të ushtruar ndaj deputetëve demokrat pasi dolën nga mbledhja e kryesisë së PD-së.

Ai tha se e dënon dhunën dhe nuk mund ta tolerojë atë vetëm sepse ka qenë nga një grupim i PD-së. Sipas tij ajo ishte një sjellje paramilitare e cila duhet dënuar patjetër

“Ajo që unë kam thënë është se të shantazhozh apo fyesh deputet të partisë demokratike vetëm se ata kanë një mendim ndryshe është sjellje e një grupimi paramilitar dhe jo e një grupimi demokratik.  Kam dëgjuar gjatë këtyre orëve se qëndrimi im është emocional, nuk ka qenë emocional. Unë do dënoj dhunën verbale, shantazhin ndaj deputetëve dhe gazetarëve dhe  nuk mund të manistoj atë vetëm se vjen nga një grupim i caktuar i Partisë Demokratike”,-tha Bardhi.

LEXONI GJTIHASHTU:

• Alibeaj: Në mbledhjen e kryesisë pati fjalë jo dhunë, ndjesë gazetarëve
• Vangjush Dako para Gjykatës së Posaçme, gazetari tregon ç’pritet të ndodh