Akuzat për qumështin pluhur, Krifca-opozitës: Nisma mbron prodhimin vendas

Ministrja e Bujqësisë dhe Zhvillimit Rural, Frida Krifca bëri dje të ditur se gjatë vitit 2022 në vend u prodhua 1 milion tonë qumësht, ndërkohë që importi i qumështit pluhur ishte 1900 tonë.

Nga foltorja e Kuvendit, Krifca iu përgjigj deputetëve të opozitës të cilët shprehën shqetësimin se ndryshimet në ligjin “Për taksat kombëtare” do të dëmtojnë prodhimin vendas.

Ndër të tjera ajo shtoi se nisma e qeverisë shqiptare është në mbrojtje të prodhimit vendas.

“Nisma e qeverisë  shqiptare është në mbrojtje të prodhimit vendas, është në ruajtje të sigurisë ushqimore dhe është në mbështetje të eksportuesve për t’iu drejtuar tregjeve me çmime konkurruese. Blektorët tanë kanë prodhuar për vitin 2022 mbi 1 milion litra qumësht. Nëse shohim shifrat e importit të qumështit pluhur, në vitin 2022 qumështi pluhur ishte 1900 tonë, i cili nuk shkon domosdoshmërisht për prodhimin e produkteve dhe nënprodukteve blektorale por shkon dhe për arsye të tjera të industrisë. Hirra e qumështit për vitin 2022 ka qenë 1 mijë tonë. Blektoria është një sektor sfidues. Ju në vend që ta mbështesni, hidhni baltë”- tha ajo.

LEXONI GJITHASHTU: 

• Fermeri shqiptar rrezikon falimentimin? Pse po mbushen marktetet me qumësht pluhur
• Balerina këshillon: Çiftet duhet të eksperimentojnë në shumë drejtime
• Holandezët do të dërgojnë anije shpëtimi dhe pompa uji në Ukrainë