Plagoset polici në Prishtinë gjatë grabitjes së bankomatit, Hoti dënon sulmin

Një grabitje bankomati në një nga lagjet e Prishtinës ka përfunduar me plagosjen me armë zjarri të një polici.

Ngjarja është shënuar në orët e para të mëngjesit në lagjen Veternik.

Sipas policisë së Prishtinës, efektivi i plagosur është dërguar menjëherë në spital dhe pas ndërhyrjes mjekësore, është jashtë rrezikut për jetën. 

Për ngjarjen në fjalë reagoi ashpër edhe kryeministri Avdullah Hoti.

Në një reagim të Zyrës së Shtypit të Kryeministrisë, Hoti dënon sulmin me armë zjarri ndaj efektivit të policisë gjatë kryerjes së detyrës.

Rasti i fundit i grabitjes së bankomatëve pason atë të para disa ditëve, kur sërish në Prishtinë u grabit një tjetër filial banke.

Lexoni gjithashtu:

Rritet numri i vrasjeve në Kosovë, shtohet edhe dhuna në familje