1 vit nga krijimi i SPAK, të dhënat: 568 procedime penale me 704 persona në hetim

19 Dhjetor 2020 | 14:31

19 dhjetori i 2019-ës ishte dita kur SPAK nisi nga puna fillimisht me 8 prokurorë e më pas strukturës iu bashkuan edhe 5 prokurorë të tjerë.

Në total, gjatë një viti, SPAK bën me dije se ka administruar gjithsej 568 procedime penale me 704 persona në hetim, nga të cilët (futet tabele, bullet point) 162 procedime penale me 255 persona në hetim për vepra penale që lidhen me krimin e organizuar, 240 procedime penale me 209 persona në hetim për veprat penale që lidhen me korrupsionin dhe 166 procedime penale me 240 persona në hetim për veprat penale të tjera.

Duke pasur si prioritet “pastrimi i produkteve të veprës penale”, SPAK thotë se ka kryer hetime në 19 procedime penale, kundër 35 personave nën hetim, jo vetëm në rastet e hetimeve për krim të organizuar, por dhe në rastet e hetimeve për korrupsion.

Në 1 vit SPAK ka dërguar në Gjykatën e Posaçme 59 kërkesa për gjykim, kundër 219 të pandehurve, 63 prej të cilëve për vepra penale që lidhen me korrupsionin.

Për 39 persona të tjerë gjatë 1 viti SPAK ka kërkuar në gjykatë pushimin e hetimeve. Po gjatë 1 viti Prokuroria e Posaçme ka kryer 310 raste hetime pasurore ndërkohë që bëhet me dije se është duke ndjekur hetime me 6 skuadra të përbashkëta hetimore.

Në njoftimin mbi treguesit e punës, prokurorët e SPAK garantojnë publikun se do vazhdojnë të kryejnë me vendosmëri funksionet e tyre, duke synuar që të eliminojë fenomenin e pandëshkueshmërisë.

Këtë javë Këshilli i Lartë i Prokurorisë dha miratimin që SPAK të bëhet me 20 prokurorë nga 15, për shkak të mbingarkesës.

 

Home Kryefaqja
Shiko në: YouTube
Lajme të Sugjeruara

Vrasja e policit në Korçë, reagon Rama: Nderim përjetë dëshmorit të atdheut

Kryeministri Edi Rama ka reaguar menjëherë pas ngjarjes së rëndë të ndodhur në Maliq, teksa gjatë një operacioni policor efektivi i Shqiponjës Enea Mekolli humbi...
09:33 | 04/06/2026

Vrau një polic dhe plagosi një tjetër, del fotoja e autorit të ngjarjes së rëndë në Maliq

Ky është Violand Braçellari, autori i vrasjes së një efektivi polici dhe plagosjes së një tjetri në Korçë. Nga përplasja me armë humb i jetën...
09:31 | 04/06/2026

Policia del me njoftim zyrtar: Si u vra efektivi dhe u plagos kolegu i tij, detajet nga operacioni

Një punonjës policie ka humbur jetën dhe një tjetër ka mbetur i plagosur gjatë një operacioni policor në zonën e Lozhanit, në malin Boden, Bashkia...
09:08 | 04/06/2026