Atalanta fiton me përmbysje, Manchester Unitet shpartallon Leeds

Atalanta arriti një përmbysje të çmendur në përballjen me Romën. Edhe pse kryeqytetasit e mbyllën pjesën e parë në avanatazh, skuadra bergamase shënoi 4 herë në 45 minutat e dyta. Lacio në anën tjetër u rikthye te fitorja, duke mundur Napolin me rezultatin 2-0. Skuadra e Tomas Strakoshës shënoi fillimisht me Imobilen dhe më pas me Luis Alberton.

Kjo është humbja e dytë radhazi për Napolin që tani e sheh veten në vendin e pestë. 

Nuk mund të mos veçohet dhe goli i Rafal Leaos, që hyri në histori, Portugezi e gjeti rrugën e rrjetës ndaj Sasuolës, pas vetëm 7 sekondash që nga vërshëllima e gjyqtarit kryesor. Kuqezinjtë fituan me rezultatin 1-2 në transfertë, duke u kthyer tek suksesi pas 2 barazimeve radhazi. Në anën tjetër Inter arriti që të fitotne 2-1 ndaj Spezias duke marrë fitorten e pestë radhazi në kampionat.

Real Madrid regjistroi fitoren e katërt radhazi në La Liga e tashmë e sheh veten përkrah Atletiko Madrid në vendin e parë, edhe pse këta të fundit kanë dy ndeshje më pak. Skuadra e Zinedin Zidane triumfoi me rezultatin 1-3 në transfertë me Eibar.

Benzema, Modric dhe Lukas Vaskez ishin autorët e golave për “galaktikët”, që kanë krijuar një diferencë kë konsiderueshme me Barcelonën. 

Në kampionatin anglez Manchester United shpartalloi me rezultatin 6-2 skuadrën e Leeds. Të besuarit e Ole Gunar Solskjaer u treguan të papërmbajtshëm duke shënuar 4 herë vetëm në 35 minuta.

Ky është suksesi i dytë radhazi i “djajve të kuq” që e shohin veten në vendin e tretë me 26 pikë, edhe pse më një ndeshje më pak se kundërshtarët