Nëndetësja zhduket pranë rrënojave të Titanikut, ekipet vijojnë kërkimin

Ekipet amerikane dhe kanadeze po vazhdojnë kërkimet për nëndetësen turistike “Titan”, me pesë persona në bord, e cila u zhduk pranë rrënojave të anijes “Titanic” në mes të Atlantikut.

Kontakti me nëndetësen e vogël humbi rreth një orë e 45 minuta pasi ajo u zhyt të dielën. Një operacion shpëtimi është nisur, por deri më tani nuk ka asnjë shenjë të nëndetëses, raportoi BBC.

Besohet se anëtarëve të ekuipazhit u kishte mbetur oksigjen për katër ditë, të hënën pasdite. Miliarderi, biznesmeni dhe studiuesi britanik Hamish Harding është mes pasagjerëve të nëndetëses.

Mbytja e Titanikut ka ndodhur rreth 700 kilometra në jug të St. John’s, Newfoundland, në një thellësi prej 3800 metrash.

LEXONI GJITHASHTU:

• Holandezët do të dërgojnë anije shpëtimi dhe pompa uji në Ukrainë
• Tunizi/Fundosen 2 anije me emigrantë të paligjshëm, gjendet trupi i një vogëlusheje