Berisha: Dënoj sulmin e policisë në kampin e muxhahedinëve që solli një viktimë

Ish-kryeministri Sali Berisha ka reaguar në lidhje me aksionin e policisë në qendrën e muxhahedinëve në Manzë të Durrësit, ku sipas MEK pretendohet se ka mbetur i vdekur një person.

Gjatë një konference për media Berisha theksoi se inkursioni banditesk i policisë është kryer me urdhër të Ramës.

Në reagimin e tij Berisha, shkruan se dënon dhunën që sipas tij solli një viktimë në kampin e muxhahedinëve.

“Inkursioni agresiv dhe banditesk i Policisë së Shtetit me urdhër të Edi Ramës në kampiun e refugjatëve iranianë, në Manzë përbën një krim të shëmtuar, përbën një dhunim flagrant të të gjitha ligjeve të vendit, konventave ndërkombëtare për refugjatët, traditës shqiptare dhe detyrimit që vjen nga kjo traditë.

Dënoj me ashpërsinë më të madhe, terrorin fizik, psikologjik të gjithanshëm të ushtruar ndaj muxhahedinëve. Dënoj me ashpërsinë më të madhe, dhunën e egër fizike e cila ka pasur pasojë deri më tani 1 të vdekur me plagë të shumta dhe mbi 40 të plagosur, një pjesë e të cilëve janë në spitalet e vendit.

Dënoj me ashpërsinë më të madhe veprimet dhe i konsideroj banditeske ato, pasi të gjitha objektet e konfiskuara janë marrë pa lënë asnjë dokument, asnjë procesverbal nga ana e Policisë së Tiranës”, tha Berisha.

LEXO GJITHASHTU:

• Vdekja e 1 muxhahedini gjatë operacionit në MEK, burime nga policia: I ra infarkt
• “Kontrolluan dhomat e motrave tona”- muxhahedinët në protestë: Duan të na largojnë
• Kontrollet e policisë në MEK, muxhahedini i larguar nga kampi: Policia ka të drejtë