Kontrollet e policisë në MEK, muxhahedini i larguar nga kampi: Policia ka të drejtë

Rahimi, ish-anëtar i muxhahedinëve, tha se e njëjta gjë ka ndodhur edhe para 1 viti për ata që tashmë janë larguar nga kampi MEK.

Sipas tij, policia ka të drejtë t’i kryejë ato kontrolle sepse është detyra e tyre.

“Edhe ne na ndodhi një kontroll i tillë para 1 viti nga SPAK-u dhe nga anti-terrori që të na kontrollojnë. Policia ka të drejtë të të kontrollojë dhe të të pyesë; është puna e policisë kjo. MEK-u e di veten shumë ndryshe, e di veten si një pozicion jashtë Iranit; dhe ne jemi të vetmit drejtues të Iranit dhe ata që do të zëvendësojnë Iranin dhe kanë gjithmonë luftë. Nëse shikoni televizionin e vetë kampit, MEK-u arriti me sulme kibernetike të vjedhë të gjitha të dhënat e shtetit iranian. Ka shumë anëtarë që janë tani në MEK që kanë studiuar kibernetikë dhe janë shumë të mirë në teknologji. Unë vetë kam punuar në MEK me televizione dhe e di shumë mirë që ata janë të gatshëm të bëjnë çdo gjë. Ata e dinin shumë të mirë që janë ndërprerë marrëdhëniet e Iranit me Shqipërinë, por thuhet se Shqipëria është vendi ynë,” – u shpreh Rahimi.

LEXONI GJITHASHTU:

• Dhjetëra të plagosur në kampin e MEK , reagon Ministria e Brendshme
• Vdekja e 1 muxhahedini gjatë operacionit në MEK, burime nga policia: I ra infarkt