KED interviston dy kandidatët për anëtarin e gjashtë të Gjykatës Kushtetuese

Këshilli i Emërimeve në Drejtësi intervistoi ditën e sotme dy kandidatë për vendin vakant të anëtarit të gjashtë të Gjykatës Kushtetuese, i cili i takon të zgjidhet nga Presidenti.

Në mbledhjen që KED-ja zhvilloi sot, intervistoi Aleksandër Tomën dhe Përparim Kalon. Ata iu përgjigjën pyetjeve nga anëtarët e KED-së, ndërkohë që më pas Këshilli vendosi ta shtyjë për ditën e mërkurë publikimin e renditjes së dy kandidatëve në fjalë.

Kujtojmë se pas renditjes së pikëzimeve të dy kandidatëve Toma dhe Kalo, lista do t’i kalojë Presidentit Ilir Meta për të vendosur përfundimisht se kush do të jetë anëtari i gjashtë i Gjykatës Kushtetuese.