150 doza kokainë gati për shitje në plazhin e Durrësit, arrestohen 2 shtetas

2 shtetas janë arrestuar në Durrës pasi shisnin kokainë në lokalet e natës, në zonën e plazhit.

150 doza të lëndës narkotike, gati për shitje, një automjet një peshore elektronike dhe 4 celularë janë sekuestruar.

Në bazë të provave të siguruara nga hetimi, specialistët e Seksionit për Hetimin e Narkotikëve dhe Trafiqeve të Paligjshme të DVP Durrës, në bashkëpunim me shërbimet e Forcës së Posaçme “Shqiponja” të kësaj drejtorie, kapën dhe vunë në pranga shtetasit M. M., 25 vjeç dhe E. Gj., 23 vjeç, të dy banues në Xhavzotaj, Durrës, thuhet në njoftimin e policisë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU:

• Veliera u përplas me një masiv rëre, policia e Durrësit ndihmon 4 turistë italianë
• Kush janë viktima dhe shoferi i arrestuar i aksidentit në Durrës (Foto)