Kardinali Ernest Troshan Simoni uron Krishtlindjet me lutjet për zhdukjen e pandemisë

Shkëlqesia e tij, Kardinali Ernest Troshan Simoni, uroi me rastin e Krishtlindjes të gjithë besimtarët katolikë duke u lutur që pandemia e COVID-19 të ndalet dhe të sëmurët prej saj të gjejnë lehtësim.

“O Zot lëshoje dorën tënde të madhërishme, bekoje gjithë botën dhe gjithë popujt, zhdukja të gjitha tmerret që i ka kapur prej sëmundjes së pandemisë […] në këtë festë të madhe dhe të gëzueshme të shpresës dhe jetës ju uroj të gjithëve Krishtlindjet,” – u shpreh kardinali Ernest Simoni Troshani.

Troshani, 92 vjeç, u emërua kardinal në vitin 2016 nga Papa Françesku. Në vitin 1963 ai u dënua me 25 burg nga diktatura për shkak të besimit.

Urimet për këto Krishtlindje Troshani i drejtoi nga rezidenca e Katedrales së Firences përmes një videoje të përgatitur nga gazetari i njohur Ferdinand Samarxhi.

Në Shqipëri mesha e Krishtlindjeve do të mbahet në orën 18:00, besimtarët katolikë dhe ortodoksë do të festojne në kushte të pazakonta, Imzot George Frendo dha gjithashtu një mesazh në Euronews Albania.