Eksportet kushtuan 4.6 mld euro, mbi 80% e blerjeve nga sektori i industrisë

Eksportet e mallrave arritën në 487 miliardë lekë, ose 4.6 mld euro, duke u rritur 32 % krahasuar me vitin 2021. Ndërkohë edhe importet kanë pësuar rritje më të ulët 19%, duke arritur në total 950 miliardë lekë, ose 8.9 mld euro.

Sipas strukturës së biznesit dhe shit-blerjeve në tregjet e huaja, në ndërmarrjet eksportuese mbizotërojnë ato që operojnë në sektorin e industrisë.  Pesha e eksporteve të kryera nga këto ndërmarrje ishte 81%, me rritje 28%, krahasuar me vitin 2021. Ndërmarrjet e mëdha zënë 40% të vlerës së eksporteve të këtyre ndërmarrjeve, duke u rritur me 21 %.

Ndërsa, vlerën më të madhe të importeve e kanë ndërmarrjet që operojnë në sektorin e tregtisë. Në vitin 2022, pesha e këtyre ndërmarrjeve është 56 %.

Vitin e kaluar, ndërmarrjet mikro, të vogla dhe të mesme zunë 90% të vlerës së importeve të ndërmarrjeve që operojnë në sektorin e tregtisë, duke u rritur me 19.0 %, krahasuar me vitin 2021.

Të dhënat e plota për tregtinë e jashtme për vitin 2022 janë publikuar nga Instituti i Statistikave.

LEXONI GJITHASHTU:

• Zvicra bllokon eksportet e armëve në Ukrainë
• Rriten eksportet bujqësore, Shqipëria shet më shumë fruta-perime në rajon dhe BE