Ankimohet tenderi për aeroportin e Vlorës, ngrihet shpallja e fituesit

24 Dhjetor 2020 | 11:14

Tenderi për Aeroportin e Vlorës është pezulluar, pas ankesës së një prej kompanive në garë, dy ditë para shpalljes së fituesit. Për ministren e Transportit, Belinda Balluku, ngrirja e procedurës duhet konsideruar si lëvizje pozitive.

Gara e partneritetit publik-privat për ndërtimin e aeroportit të Vlorës, e ankimuar pranë Komisionit të Prokurimit Publik, ka sjellë të tjera vonesa në finalizimin e saj. Është kompania Global Technical Mecanics, që ka depozituar ankesën, ndërsa arsyet e saj mbeten të paqarta. E pyetur nga Euronews Albania, ministrja Belinda Balluku tha se ka urdhëruar pezullimin e garës.

“Ne nuk ia heqim askujt të drejtën e kësaj gare për t’u ankimuar, kështu që ankesa është marrë parasysh nga KPP-ja. Ministria ka nxjerrë urdhrin për ngrirjen, sipas datave dhe urdhrave në fuqi të ligjit”, u shpreh znj. Balluku.

Sipas ministres, ankesa nuk duhet t’u lerë vend spekulimeve, sepse tenderi do të rishikohet sapo KPP t’i përgjigjet ankesës.

“Unë do ta shikoja si lëvizje pozitive. Ndoshta na shtyn në kohë dy javë, për të bërë mbylljen, por fakti që ka operatorë të interesuar, tregon se ka një dinamikë ky proces”, shtoi ajo.

Kompania që ankohet është një prej shoqërive fituese të koncesionit të  aeroportit të Kukësit, ndërkohë që në fazën në të cilën ndodhet gara, ankesat kryesisht adresohen për kriteret e vendosura nga autoriteti kontraktor.

 

Lexoni gjithashtu:

Rama: Është vënë në punë linja e interkonjeksionit Shqipëri-Kosovë

Home Kryefaqja
Shiko në: YouTube
Lajme të Sugjeruara

LIVE- Efektivi i policisë vritet në krye të detyrës në Maliq, plagoset kolegu. Reagimet e politikës

Një punonjës policie u vra dhe një tjetër u plagos gjatë një operacioni për kapjen e një personi në kërkim prej vitesh në fshatin Podenë,...
10:27 | 04/06/2026

Vrasja e policit në Maliq, reagon ministri i Brendshëm: Dënoj me forcën më të madhe këtë akt kriminal

Ministri i Brendshëm, Besfort Lamallari, ka reaguar pas ngjarjes së rëndë të ndodhur në Maliq, ku një efektiv policie u vra dhe një tjetër mbeti...
09:53 | 04/06/2026

U plagos në Lozhan të Maliqit, efektivi i ‘Shqiponjave’ niset me helikopter drejt Traumës

Efektivi i ‘Shqiponjave’ Edison Adri që mbeti i plagosur nga operacioni në Lozhan të Maliqit, është nisur për mjekim të specializuar drejt Spitalit të Traumës...
09:44 | 04/06/2026