Kamuflohej si shofer furgoni, transportonte kanabis çokollatë

Një 36-vjeçar nga Dibra i cili kamuflohej si shofer furgoni për transport të qytetarëve Tiranë-Klos-Tiranë merrej me transport lëndësh narkotike. 4 kallëpe me kanabis të përpunuar në formë çokollate janë sekuestruar.

“Gjatë kontrollit të ushtruar në dyshemenë  e sediljes së shoferit, shërbimet e policisë gjetën një kuti , ku brenda saj kishte 4 kallëpe  me lëndë narkotike kanabis sativa,  të përpunuar në formën e çokollatës, me peshë rreth 1 kilogramë, të cilat u sekuestruan  në cilësinë e provës materiale,” – thuhet në njoftimin e policisë.

Operacioni  vijon  për identifikimin dhe kapjen e personave të tjerë të përfshirë në këtë  veprimtari kriminale.