Momente festive, fëmijët shprehin dëshirat për Babagjyshin dhe urojnë Krishtlindjen

Të veshur me ngjyrat e Babagjyshit, fëmijët e kopshteve kanë nisur festën tradicionale të fundvitit. Mes këngësh, vallesh dhe lojërash vogëlushët gëzojnë me njëri tjetrin ardhjen e Krishtlindjes dhe Vitit të Ri.

Dy motrat Dea dhe Rida bashkë me krishtlindjen ndryshe nga bashkëmoshatarët e tjerë presin të festojnë edhe ditëlindjen.

“Na ka lindur mami binjake dhe Zoti ka vendosur ta kemi me 25 datën e lindjes”, tha njëra prej binjakeve. 

“Unë i kam kërkuar një kukull Borëbardha, një fustan si Borëbardha, një libër si Borëbardha dhe një pelerinë si Borëbardha”, theksoi një tjetër fëmijë.

Ashtu si çdo vit edhe fëmijët e tjerë ia kanë shkruar letrën Babagjyshit duke i shprehur disa dëshira.

“I kam shkruar letrën Babagjyshit dhe i kam kërkuar një kukull ‘Barbie”, u shpreh një tjetër fëmijë.

Ndonëse jashtë flitet aq shumë për pandeminë covid-19, edukatorja e fëmijëve tregon se brenda kopshtit ata mundohen të harrojnë stresin e kësaj periudhe. por shpesh mungesa e përqafimeve ua rikujton coronavirusin.

“Ne jemi munduar që fëmijët t’i mbajmë larg këtij stresi. E kemi kaluar me anë të lojërave dhe shpresojmë të kalojmë sa më shpejt”, tha edukatorja e kopshtit nr.34 në Tiranë, Majlinda Gjinollari.

E ndërsa festojnë dhe gëzojnë mes tyre, nuk ka sesi të mungojnë urimet e ndjera të vogëlushëve