Sportisti shqiptar humb jetën në moshën 24-vjeçare

Një notar shqiptar vetëm 24 vjeç ka ndërruar jetë për shkak të një sulmi në zemër.

Lajmin për ndarjen e papritur nga jeta të Klavio Meca, i cili ka vendosur dhe rekord të ri kombëtar në 400 m stil i lirë, ka bërë të ditur Komiteti Olimpik Kombetar Shqiptar (KOKSH).

“Një lajm i pabesueshëm na erdhi si bombë për ndarjen nga jeta të sportistit shqiptar Klavio Meca në moshën 24 vjeç. Nuk gjejmë̈ fjalë për të shprehur dhimbjen e madhe…

Kujtojmë që notari Klavio Meca, ka pasur një sërë arritjesh sportive ndërsa veçojmë se në Budapest të Hungarisë ka vendosur një rekord të ri kombëtar në 400 m stil i lirë me kohën e përgjithshme 4’04”03.

Ishte një djalë i shkëlqyer me sjellje shembullore dhe disiplinë sportive.

KOKSH i shpreh ngushëllime familjes dhe komunitetit sportiv. U prehsh në paqe kampion! Do të na mungosh…”, shkruan KOKSH në rrjetet sociale.