Vakancat në ILD, Artur Metani letër ministres Gjonaj për kriteret e përzgjedhjes së inspektorëve

Inspektori i Lartë i Drejtësisë, Artur Metani i është drejtuar me një letër ministres së Drejtësisë Etilda Gjonaj, ku kërkon ndryshime në ligj për kriteret e përzgjedhjes së inspektorëve.

ILD kërkon që kriteri për 13 vite eksperiencë pune për një kandidat nga radhët e magjistratëve, të ulet në 7 vite, në mënyrë që të plotësohen vakancat për inspektor në këtë institucion.

ILD është institucioni që verifikon dhe heton shkeljet e prokurorëve dhe gjyqtarëve.

 Prej 10 muajsh ILD po funksionon me vetëm 1 inspektor, ndërkohë që në ligj parashikohet të ketë 28 të tillë.

Megjithatë hetime dhe procedime për gjyqtar dhe prokuror që kanë shkelur ligjin kanë nisur në disa raste.

Lexoni gjithashtu:

Artur Metani: 1600 ankesa për gjyqtarë dhe prokurorë të korruptuar, por s’ka kush t’i shqyrtojë!