Ambasada e SHBA për lëvizjen e Dodik: Sulm ndaj Kushtetutës së Bosnjë-Hercegovinës

Ambasada e SHBA-së në Sarajevë vlerësoi sot se vendimi i Presidentit të Republikës Srpska, Milorad Dodik, për të nënshkruar amendamentet e Ligjit për Publikimin e Ligjeve dhe Rregulloreve të tjera të Republikës Srpska, përfaqëson një “sulm të paramenduar ndaj Marrëveshjes së Paqes të Dejtonit, Rendit Kushtetues të Bosnjë dhe Hercegovinës dhe Shtetit të Bosnje dhe Hercegovinës”.

“Shtetet e Bashkuara mbështesin sovranitetin, integritetin territorial dhe karakterin multi-etnik të Bosnjë dhe Hercegovinës dhe do të vazhdojnë t’i mbajnë individët e përfshirë në sjelljen anti-Dejton përgjegjës për veprimet e tyre”, tha Ambasada e SHBA në Sarajevë në Twitter.

Presidenti i RS Milorad Dodik nënshkroi sot Dekretin për shpalljen e Ligjit për Ndryshimet në Ligjin për Publikimin e Ligjeve dhe Rregulloreve të tjera të Republikës Srpska, i cili u miratua nga Asambleja Kombëtare e Republikës Srpska në seancën e posaçme të mbajtur më 21 qershor 2023.

Përfaqësuesi i Lartë i Komunitetit Ndërkombëtar në Bosnje dhe Hercegovinë, Schmitd, të cilin Republika Srpska nuk e njeh, anuloi më 1 korrik ligjin për heqjen e detyrimit për publikimin e vendimeve të Përfaqësuesit të Lartë në Gazetën Zyrtare të Republikës Srpska dhe Ligjin për moszbatimin e vendimeve të Gjykatës Kushtetuese të Bosnjës dhe Hercegovinës në territorin e Republikës Srpska, të cilat paraprakisht ishin miratuar nga Kuvendi i Republikës Srpska.

LEXONI GJITHASHTU:

• Millorad Dodik: Ne nuk do i pranojmë vendimet e Schmidt
• Dodik sfidon autoritetet në Bosnje, ngre padi ndaj vetes dhe zyrtarëve të tjerë