Kamerat e sigurisë kapin momentet e aksidentit të rëndë në Elbasan

Euronews Albania ka siguruar pamje nga aksidenti i djeshëm në Elbasan, ku humbi jetën 36-vjeçari Gledis Dedja dhe u plagosën 6 persona të tjerë.

Siç shihet qartë edhe në video makina tip “Volkswagen”, pas një parakalimi të gabuar është përplasur me një minibus, i cili përfundoi edhe në anë të rrugës.

Për këtë aksident Policia e Elbasanit ka arrestuar 29-vjeçaren me inciale K. Sh, shoferen e “Volkswagen”.

Mbi këtë të fundit rëndojnë veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”.

Aksidenti ndodhi në aksin rrugor Elbasan-Bradashesh, i cili shkaktoi edhe trafik, ku qindra makina mbetën të bllokuara, për afro 1 orë. 

Lexoni gjithashtu:

Aksident rrugor në Elbasan, të paktën pesë të plagosur