“Mjekësia kërkon sacrifice”, Bulo: Kontrata dhe testimi nuk i demoralizon studentët

Zv.Rektorja e Mjekësisë Anyla Bulo tha se bojkoti i studentëve të mjekësisë nuk është rruga e duhur që ata duhet të ndjekin për pretendimet dhe kërkesat që kanë ndaj qeverisë.

E ftuar në Euronews Albania, ajo theksi se testimi i maturantëve para se të futen në studime për mjekësi dhe projekt-ligji i qeverisë nuk do i pengojë ata të ndjekin ëndrrën e tyre.

Më pas shtoi se nga testimi dhe vetë studentët, do të shohin se ku janë.

“Testimi do provojë se ku janë studentët dhe sigurisht do të fitojnë më të mirët, kështu që nëse një maturante  e ka vendosur që të futet në mjekësi, patjetër që do të testohet. Projektligji I kontratës po ashtu nuk do të ndikojë. Aplikimi i studentëve për mjekësi të përgjithshme lind ose vjen  nga pasioni i tyre dhe nuk  mendoj se një maturant aplikon me laps dhe me letër në momentin që aplikon. Mjekësia është një profesion dhe mission që do dashuri, passion por dhe sakrificë  që të shoqëron gjatë gjithë jetës”- tha ajo.

LEXONI GJITHASHTU: 

• Stuhia e të nxehtit, meteorologia bën paralajmërimin për javën e ardhshme
• Pse mungoi Kurti në Tiranë? Berisha: Papërgjegjësi politike, çfarë e frikësoi?