Reagon Celibashi për rivotimin në Rrogozhinë: Respektoni heshtjen zgjedhore

Kryekomisioneri Ilirjan Celibashi ka reaguar për herë të parë ditën e sotme, kur po zhvillohet rivotimi në Rrogozhinë.

Ai ka bërë thirrje kandidatëve dhe përfaqësuesve politikë të respektojnë heshtjen zgjedhore.

“Sot është dita e qytetarëve që kanë të drejtën e zgjedhjes dhe deklaratat politike cënojnë standardet e procesit zgjedhor dhe janë në shkelje të dispozitave të Kodit Zgjedhor.

Gjithashtu, KQZ tërheq vëmendjen e Komisioneve të Qendrave të Votimit që të respektojnë Kodin Zgjedhor dhe të mos lejojnë persona të paautorizuar në Qendrat e Votimit.

Në QV dhe rreth tyre lejohen vetëm zgjedhësit, vëzhguesit e akredituar dhe stafi teknik i KQZ,” – thuhet në njoftimin e Komisionit Qendror të Zgjedhjeve.

LEXONI GJITHASHTU:

• Pjesëmarrja e votuesve në Rrogozhinë deri në orën 12:00
• “Standart i dyfishtë i procesit”, Meta për zgjedhjet në Rrogozhinë: Kutia e burgut..