Përplasen kokë më kokë makinat në Vlorë, një e plagosur

Një 70-vjeçare ka mbetur e plagosur pasi dy makina u përplasën kokë më kokë në aksin rrugor Vlorë – Kuç.

Aksidenti ndodhi rreth orës 09:20 të të enjtes.

Njoftimi i policisë:

Rreth orës 09:20, në aksin rrugor Vlorë – Kuç, në fshatin “Tërbaç”,  shtetasi H. R., duke drejtuar automjetin tip “Benz” është përplasur me automjetin tip “Jaguar”  që drejtohej nga shtetasi J.Dh.

Si pasojë e përplasjes është dëmtuar pasagjerja që ndodhej në automjetin tip “Benz” ,  shtetasja  H. Xh., 70 vjeçe, banuese ne fshatin “Kallarat” ,  e cila ndodhet në Spitalin Rajonal Vlorë, jashtë rrezikut për jetën.

Grupi hetimor vijon punën për përcaktimin e saktë të shkakut të aksidentit.

LEXONI GJITHASHTU:

• Pamjet e aksidentit të frikshëm në Korçë, mjeti “copëtohet” pas përplasjes
• Kandidati për president në SHBA pëson aksident automobilistik