Pamjet e aksidentit të frikshëm në Korçë, mjeti “copëtohet” pas përplasjes

Një aksident i rëndë ka ndodhur mëngjesin e kësaj të marte në aksin rrugor Devoll –Korçë.

Ngjarja ka ndodhur në afërsi të fshatit Çiflig te kryqëzimi i impiantit të trajtimit të ujrave të ndotura.

Bëhet me dije se një 21 vjeçar nga fshati Biranj ka qënë duke udhëtuar i vetëm me një mjet tip “Ford” nga Devolli në drejtim të Korçës, kur ka humbur kontrollin dhe është përplasur me barrierat mbrojtëse.

Përplasja ka qënë aq e fortë sa mjeti është shkatërruar plotësisht në pjesën e përparme, siç shihet dhe nga pamjet e mësipërme.

Pjesët motorike të mjetit kanë përfunduar në anën tjetër të rrugës.

21 vjeçari është transportuar me urgjencë në spitalin e Korçës, ku po merr kujdesin e nevojshëm mjekësor jashtë rrezikut për jetën.

Shkak i humbjes së kontrollit të mjetit sipas ekspetëve të qarkullimit rrugor mendohet të jetë shpejtësia tej normave të lëjuara.

Policia dhe grupi hetimor ndodhen në vendngjarje dhe po punojnë për zbardhjen e rrethanave të aksidentit.

LEXONI GJITHASHTU:

• Aksident në aksin rrugor Korçë-Devoll, makina “fluturon” jashtë rruge
• EMRI| Aksident i trefishtë në Sarandë, plagoset 30-vjeçarja