Nuk iu bind policëve dhe i “mori përpara” me makinë, arrestohet 32-vjeçari në kërkim

Policia e Durrësit ka arrestuar shtetasin Azem Allçi, një person të shpallur në kërkim pasi kundërshtoi efektivët e policisë.

Gjatë operacionit të zhvilluar në muajin shkurt, 32-vjeçari nuk respektoi urdhërin e efektivëve për të ndaluar, por ka shtuar shpejtësinë, duke rrezikuar jetën e punonjësve të policisë.

Shërbimet e Policisë janë vënë në ndjekje të automjetit dhe kanë bërë të mundur kapjen dhe arrestimin në flagrancë të pasagjerit 19 vjeçar, ndërsa 32-vjeçari ka mundur të largohet duke përfituar nga errësira.

Gjatë kontrolit në automjet, shërbimet e Policisë gjetën dhe sekuestruan në cilësinë e provës materiale një armë zjarri pistoletë dhe municion luftarak.

Materialet në ngarkim të Azem Allçit u referuan në prokurorinë e Durrësit për veprime të mëtejshme.

LEXONI GJITHASHTU:

• Makina përplas për vdekjen gruan në Fushë-Krujë, arrestohet shoferi 16-vjeçar
• U vra në atentat në Greqi, kush ishte i forti nga Korça që njihej me nofkën “Zezaku”