Riaktivizohen vatrat e zjarrit në fushën e Maliqit, shkak temperaturat e larta

Riaktivizohen vatrat e zjarrit në zonën torfike të fushës së Maliqit. Zjarr që ka përfshirë afro 70 hektarë kashtë, grurë i korrur.

3 mjete të shërbimit zjarrfikës të bashkisë së Maliqit janë në terren për të izoluar flakët e zjarrit që të mos përhapen më tej në sipërfaqet ku gruri është korrur.

Jozyrtarisht bëhet me dije se shkak janë bërë temperaturat e lartë që kanë ndikuar në ndezjen e zonës torfike duke përfshirë kështu një sipërfaqe kaq të madhe.

Zjarrfikësit e kanë tejet të vështirë për të punuar në një terren të tillë edhe për shkak të vështirësisë që sjell era. Sipas banorëve një zjarr i tille ne fushën e Maliqit nuk është parë herët e tjera.

LEXONI GJITHASHTU:

• Përse do vijë zyrtari i lartë amerikan në Ballkan? Eksperti zbardh detajet
• Bllokohen 14 mjete lundruese nga Vlora në Ksamil, gjoba “të kripura” për pronarët