EMRI| Shpërndante kokainë nëpër hotelet e Durrësit, arrestohet 32-vjeçari

Një 32-vjeçar i identifikuar si Abdyl Kacaca, është arrestuar nga policia e Durrësit, pasi shpërndante lëndë narkotike të llojit kokainë, në hotele të ndryshme të qytetit.

Policia bën me dije se ka sekuestruar një sasi lënde narkotike kokainë, të ndarë në doza të gatshme për shitje, 1 automjet dhe 1 celular.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

“Si rezultat i një hetimi disajavor, të ndjekur me metoda speciale, nga Policia dhe Prokuroria e Durrësit, në vijim të punës intensive gjatë sezonit turistik 2023, kundër krimeve në fushën e narkotikëve, specialistët e Seksionit për Hetimin e Narkotikëve të Drejtorisë Vendore të Policisë Durrës kanë organizuar dhe finalizuar operacionin policor antidrogë të koduar “Dealer”, si rezultat i të cilit u kap në flagrancë shtetasi:

A. K., 32 vjeç, banues në Durrës.

Nga veprimet hetimore rezultoi se shtetasi A. K. siguronte dhe shiste në hotele të ndryshme të qytetit të Durrësit, doza të lëndës narkotike kokainë. 32-vjeçarit iu gjetën dhe iu sekuestruan në cilësinë e provës materiale, një sasi lënde narkotike kokainë e ndarë në doza të gatshme për shitje, 1 automjet dhe 1 celular”, nhofton policia.

LEXONI GJITHASHTU:

• U qëllua dy herë me thikë, ndërron jetë 33-vjeçari në Angli
• Në kërkim prej 4 vitesh, arrestohen 2 persona, prodhonin dhe shisnin lëndë narkotike