Stuhia kërcënon sërish Slloveninë: Mbrojtja civile dhe ushtria në gatishmëri
Shërbimi i Mbrojtjes Civile i Sllovenisë, në prag të një stuhie të parashikuar për mbrëmjen e sotme, ka lëshuar një urdhër duke vënë në gatishmëri të gjithë sistemin e saj, përfshirë ushtrinë.
“Qëllimi është që të mund të reagojmë dhe të ndihmojmë komunat sa më parë. Depot e pajisjeve dhe materialeve janë plot nëse mbaron diçka”, tha komandanti i Mbrojtjes Civile Sreçko Šestan.
Nga sonte deri mëngjesin e së shtunës parashikohen reshje të dendura mbi Slloveni, ndërsa reshjet do të shtohen në barrierat malore të Sllovenisë perëndimore dhe jugore dhe mbi Gorski Kotar. Më pas era do të sjellë reshje të mëdha në Slloveninë qendrore dhe lindore, raporton Index.hr.
Portali thekson se ana veriore të Alpeve tashmë është përfshirë nga një ajër dukshëm më të ftohtë, i cili në ditët në vijim gradualisht do të zbresë në rajonet sllovene dhe se pjesa më e madhe e reshjeve priten sonte, deri mëngjesin e së shtunës.
Në njoftimin për media të Ministrisë sllovene të Mjedisit, thuhet se ka mundësi që gjatë mbrëmjes të vërshojnë lumenj të vegjël në veri dhe pjesën qendrore të Sllovenisë.
“Lumenjtë në lindje të vendit tashmë kanë një prurje tre herë më të madhe se zakonisht, kështu që do të rriten fuqishëm, veçanërisht natën mes të enjtes dhe të premtes”, tha zyrtari i ministrisë Janez Polajnar.
LEXONI GJITHASHTU:
Humbje diplomatike për Gjermaninë në OKB, Berlini ngre dyshime për ndikimin rus
Macron: Fitorja e Magyar shënon fillimin e një epoke të re në Hungari
Asambleja e Përgjithshme e OKB-së voton 5 anëtarët e rinj jo të përhershëm të Këshillit të Sigurimit
- 09:59 Presidenti Begaj reagon për vrasjen e efektivit në Korçë: Policia nuk do të zbrapset
- 09:53 Vrasja e policit në Maliq, reagon ministri i Brendshëm: Dënoj me forcën më të madhe këtë akt kriminal
- 09:44 U plagos në Lozhan të Maliqit, efektivi i ‘Shqiponjave’ niset me helikopter drejt Traumës
- 09:33 Vrasja e policit në Korçë, reagon Rama: Nderim përjetë Dëshmorit të Atdheut
- 09:31 Vrau një polic dhe plagosi një tjetër, del fotoja e autorit të ngjarjes së rëndë në Maliq
- 09:24 Deklaratat antisemite të artistit, Gjykata holandeze i hap rrugën koncerteve të Kanye West