Pas publikimit të rastit në Euronews Albania, banesë e re për familjen me 10 persona

Në muajin dhjetor Euronews Albania transmetoi gjendjen e vështirë ekonomike dhe skamjen që përjetonte familja Neziri në Panarit të Korçës.

Pas lajmit të transmetuar, prefekti i qarkut të Korçës Nertil Jole u angazhua për të përmirësuar kushtet e jetesës së 7 fëmijëve, çiftit Neziri dhe të ëmës së kryefamiljarit, të moshuarës 80 vjeçare Hakire Neziri.

Fondacioni “Hope for Albania” dhe Larti SHPK kanë kontribuar në ndërtimin e një shtëpie të re, ndërtesë e cila është në përfundim të punimeve.

Prefekti i qarkut Korçë shprehet se indicien e mori nga kronika e transmetuar në Euronews Albania ndërkohë që është lumturi të shohësh se kjo familje do të ketë një strehë të denjë mbi krye.

Kronika e Euronews Albania në muajin dhjetor 2022:

Profesor Spartak Laze tregon se gjendja e kësaj familje ishte si poemat e Migjenit, ku rrezikonte dhe jetën e 10 anëtarëve të familjes ndërkohë që sot situata është tejet ndryshe.

Punimet pritet të përfundojnë në muajin shtator ndërkohë që ndihma materiale ka patur herë pas here nga donatorë të ndryshëm.