Organizonte lojëra fati në lokalin e tij, procedohet 52-vjeçari në Berat

Komisariati i Policisë Berat ka goditur një rast të veprimtarisë së paligjshme të lojërave të fatit, në kuadër të operacionit policor të koduar “Lojtari”.

Si rrjedhojë 52-vjeçari L.K. u procedua penalisht pasi organizonte lojëra të ndryshme fati, në lokalin e tij.

Gjithashtu atij i janë sekuestruar 2 tableta dhe 1 kompjuter që shërbenin për këto lojëra.

Njoftimi i policisë

Shërbimet e Komisariatit të Policisë Berat, në vijim të punës për goditjen e paligjshmërisë në fushën e lojërave të fatit, në kuadër të operacionit të koduar “Lojtari”, kanë organizuar kontrolle në lokale dhe në ambiente të ndryshme, të cilat mund të vihen në dispozicion për organizimin e lotarive të palejuara. Si rezultat i kontrolleve është evidentuar dhe goditur 1 rast i kësaj veprimtarie.

Në vijim të veprimeve nisi procedimi penal për shtetasin L. K., 52 vjeç, banues në Berat, pasi në lokalin e tij, në lagjen “Muzakaj”, organizonte lojëra të ndryshme fati me tableta dhe kompjuter.

Në cilësinë e provës materiale u sekuestruan 1 kompjuter dhe 2 tableta.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

LEXONI GJITHASHTU:

• U pyet për rreth 2 orë nga hetuesit, ish-ministrja Denaj flet pas daljes nga SPAK
• Nënkryetari i Bashkisë Kukës paraqitet në SPAK, pyetet për skandalin e Safet Gjici