“Duhet menaxhim më i mirë nga bashkitë”, Zak Topuzi: Çdo turist të taksohet me 1 €

Kryetari i Shoqatës së Hoteleri Turizmit Zak Topuzi tha në një intervistë për Euronews Albania se bashkitë dhe komunat duhet të bëjnë një menaxhim më të mirë të të ardhurave të turizmit.

Ai tha se turizmi duhet të konsiderohet një nga burimet kryesore të të ardhurave, pasi vetëm taksimi me 1 euro i tyre siguron të ardhura mjaft të mëdha, e nëse bëhet menaxhimi i duhur, pushteti vendor nuk ka përse “t’i shtrijë dorën pushtetit qendror”.

“Problemi është shumë i thjeshtë, Bashkitë dhe komunat detyrën kryesore e kanë të menaxhojë të ardhurat. Në rast se nuk menaxhon dhe nuk siguron të ardhura, por mendon vetëm të sigurojë vetëm rrogat, atëherë ndodh kjo që ndodh te ne.

Çdo turist që hyn në Shqipëri duhet të paguajë një taksë që është 1 euro, vetëm po të mbledhësh këtë taksë janë të ardhura mjaft të mëdha. Pastaj çdo apartament paguan taksën e pastrimit, taksën e regjistrimit, janë një sërë të ardhurash të cilat bashkia dhe komuna do i krijojnë mundësinë atyre që këto të ardhura t’i përdorin për komunitetin e të mos shtrijnë dorën te pushteti qendror”,-tha Zak Topuzi.

LEXONI GJITHASHTU:

• Aksident në Vlorë/ Benzi përplas motorin, dy të lënduar
• “Reagim më i fortë ndaj Vuçiç”, politikanë të disa shteteve letër BE dhe SHBA-së