I biri iu vra nga huliganët kroatë, pëson infarkt e ëma. Shkarkohen oficerët grekë

Ndeshja kualifikuese e Ligës së Kampioneve mes AEK-ut dhe Dinamo Zagrebit, është kthyer në një tragjedi pas përplasjes së huliganëve kroatë me tifozët grekë të dy ekipeve.

Si pasojë e përleshjeve mbeti i vrarë një tifoz i AEK-ut, 29-vjeçar.

Mediat greke shkruajnë se e ëma e 29-vjeçarit me të mësaur lajmin e ndarjes nga jeta të të birit ka pësuar inarkt.

Ajo ka pësuar humbje të ndjenjave dhe është transportuar në ambientet e Kryqit të Kuq për të marrë ndihmën mjekësore.

I biri, 29-vjeçari Michalis është dërguar në spital me autoambulancë private, pasi u qëllua me thikë nga huliganët kroatë.

Edhe pse një infermiere po i jepte ndihmën e nevojshme mjekësore, i riu ndërroi jetë si pasojë e gjakderdhjes.

Në lidhje me ngjarjen, Ministri i Mbrojtjes së Qytetarëve, z. Yiannis Oikonomou,  njoftoi shkarkimin të 7 oficerëve të policisë në Athinë, përgjegjës për sigurinë në ndeshjen e futbollit.

Autoritetet greke kanë bërë gjithsej 98 arrestime: 90 prej të cilëve janë në paraburgim dhe 8 të cilët po marrin mjekim në ambientet e spitalit.

Konkretisht janë arrestuar 87 kroatë, një austriak, një boshnjak, një shqiptar, një gjerman dhe pesë grekë.

LEXONI GJITHASHTU:

• Përleshje mes tifozëve të AEK e Dinamo Zagrebit në Athinë, 1 i vrarë, 8 të plagosur
• 1 i vdekur pas trazirave mes tifozëve, shtyhet ndeshja AEK-Dinamo Zagreb