Si para viteve ’90, Semani ndër plazhet e pakta publike, mbetet i frekuentuar

Plazh si para viteve ‘90. Kjo është mënyra që kanë zgjedhur banorët e zonës së Semanit në Fier për të shijuar pushimet në verën e vitit 2023.

Çadra primitive, tenda dhe kasolle me çarçafë e kallama janë të vendosura në një gjatësi prej 1 km përgjatë vijës bregdetare. Sigurimi i ujit dhe ruajtja freskët e ushqimit janë një sfidë për ta, por përvoja shumëvjeçare i ka mësuar të gjejnë zgjidhje.

Ata pohojnë njëzëri se janë kushtet ekonomike dhe pamundësia financiare që u privojnë pushime më cilësore, por megjithatë në praninë e familjarëve të ardhur nga jashtë, koha kalon bukur duke shijuar ajrin e pastër dhe rërën kurative.

Banorët pohojnë gjithashtu se zona e Semanit e vijon këtë traditë të të bërit plazh në kushte të thjeshta që prej viteve ‘60, diçka që në ditët e sotme bën një kontrast të thellë me shërbimet bashkëkohore që ofrojnë lokalet në hapësirat jopublike.

LEXONI GJITHASHTU:

• Ndotja e lumit Gjanica dhe përmbytjet
• Hapet sezoni turistik në Fier, fluks vizitorësh, bashkia do zgjerojë investimet