Aksidenti i rëndë në Tiranë, momenti i përplasjes së fortë

Pasditen e së enjtes, dy automjete u përplasën në një kryqëzim pranë Radio Televizionit Publik dhe ambasadës Italiane në Tiranë.

Përplasja ishte aq e fortë sa që një prej automjeteve u përfshi nga flakët, ndërsa dy drejtuesit morën lëndime.

Nga pamjet e siguruara nga Euronews Albania vërehet se shkak është bërë shpejtësia dhe kalimi me të kuqe i makinës tip BMW me ngjyrë të zezë, e cila më pas merr përpara makinën tip “Citroen”.

Fatmirësisht nga ky aksident kanë shpëtuar të pa lënduara dy këmbësore që po kalonin në vijat e bardha në momentin e përplasjes.