Djokoviç revansh ndaj Alcaraz, tenisti serb mposht rivalin spanjoll

Novak DjokoviԷ është hakmarrë ndaj tenistit numër 1 në botë, Alcaraz, duke e mposhtur këtë të fundit në finalen e Cincinnati Open. Tenisti serb zhvilloi një paraqitje fantastike, ku në fund arriti të ngrinte lart trofeun.

Seti i parë u fitua nga spanjolli me rezultatin 7-5, duke dhënë idenë se do të ia dilte sërish të triumfonte ashtu si në Wimbledonin e pak javëve më parë. Këtë herë llogaritë u bënë ndryshe, me 36-vjecarin më të vendosur për fitore. Seti i radhës solli baraspeshën në fushë ndërsa u fitua 7-6 nga Djokoviç.

Edhe seti final u fitua me të njëjtin rezultat nga serbi, që fiton kështu një tjetër finale e një tjetër trofe në karrierë.

Ky ishte trofeu i 68 i rëndësishëm në karrierën e Novak Djokoviç, që bëhet kështu tenisti më i vjetër në moshë që fiton në kompeticionin e Cincinnati Open. Ndeshja e radhës mes dy yjeve të tenisit botëror do të mbahet në Grand Slem, ndërsa edhe pak javë më parë u ndeshën së bashku. Në Wimbledonin e mbajtur në Londër, ishte Alcaraz i cili arriti të shtangte Djokoviç, e duke vijuar të qëndronte në rang listë si numri 1 në botë.

LEXONI GJITHASHTU:

• Finalja e Wimbledon, Londra pret më të mirët e botës Djokoviç dhe Alcaraz
• Djokoviç ‘shkëlqen’ në Londër, tenisti serb fiton mes spektaklit, mposht Kaçin