Reshjet e shiut nuk mundën ta ndalnin tenistin Novak Djokoviç për të plotësuar objektivat, me serbin i cili rrëmbeu fitoren në Wimbledon.

36-vjecari e nisi siç duhet mbrojtjen e titullit, ndërsa nuk hasi pengesë në përballjen e parë me argjentinasin Kaçin. Të treja setet u fituan nga Djokoviç me rezultatet 6-3, 6-63 dhe 7-6, ndërsa në përballjen e ardhme e pret Australiani Tomson.

Numri 2 në botë nuk hasi problem pavarësisht kushteve jo të mirë meteorologjike, të cilat bënë që ndeshja të shtyhej 80 minuta, me Djokoviç i cili dha ndihmë ne tij në pastrimin e terrenit.

Në përfundim të sfidës, tenisti serb u shpreh i lumtur për fitoren, e cila i jep të drejtë të vijojë më tej.

“Ndoshta kjo ishte ndeshja më e çuditshme që unë kam luajtur këtu, veçse në kuptimin e mire. Padyshim që ishte shumë shqetësuese për publikun që priste që ndeshja të rifillonte, por edhe për ne tenistët. Ne donim që të luanim, por kushtet nuk na lejonin. Bari ishte i rrëshqitshëm. Më pas, arritëm që të luanim. Ky është “Dheu i Shenjtë”, tempulli i tenisit. Kjo fushë është diçka e veçantë. Unë zakonisht dal në fushë me raketën në dorë, por këtë herë dola me peshqir, por ishte bukur që bëra diçka ndryshe”- tha ai.

Një fitore në këtë edicion do të ishte e 8-ta për Novak Djokoviç, që do të barazonte Roger Federer.

LEXONI GJITHASHTU: 

• Kryetari i komunës së Leposaviçit emëron 4 drejtorë nga komuniteti serb
• Atraksionet e lëna pas dore, pylli i Cangojt në Devoll pa investime