Mitsotakis: Rusia duhet të dënohet për krimet e luftës në Ukrainë 

Kryeministri grek Kyriakos Mitsotakis tha sot se Rusia duhet të dënohet për krimet e luftës në territorin e Ukrainës.

Në një konferencë të përbashkët me presidentin ukrainas Volodymyr Zelensky, ai shtoi se Greqia “dënon pa rezerva” pushtimin rus, raporton The Guardian.

Ai vuri në dukje se Greqia nuk do ta njohë kurrë aneksimin e paligjshëm të territorit ukrainas nga Rusia.

“Ne jemi kundër shkeljes së ligjit ndërkombëtar dhe jemi kundër çdo pushtimi të paligjshëm”, tha kryeministri grek.

Ai deklaroi se Athina zyrtare i mbështet sanksionet kundër Moskës, pavarësisht pasojave të tyre negative për ekonominë greke.

LEXONI GJITHASHTU:

• Kurti udhëton për në Athinë, pjesë e takimit informal të thirrur nga Mitsotakis
• Kurti dhe Vuçiç në Athinë, mediat greke: Mesazhi i qartë që Mitsotakis i dha Ramës