Kurti udhëton për në Athinë, pjesë e takimit informal të thirrur nga Mitsotakis

Kryeministri i Republikës së Kosovës, Albin Kurti, ka udhëtuar drejt Athinës, ku do të marrë pjesë në takimin informal të liderve të rajonit, me ftesë të kryeministrit grek, Kyriakos Mitsotakis.

Zyra e shtypit të Kryeministrisë së Kosovës bën me dije se Kurti pritet të zhvillojë dhe disa takime të tjera, krahas darkës informale.

“Atje, kryeministri Kurti do të marrë pjesë në darkën e ftuar nga kryeministri Mitsotakis për liderët e Ballkanit Perëndimor, e cila po mbahet në 20-vjetorin e Samitit të Selanikut. Po ashtu, gjatë qëndrimit atje ai do të zhvillojë edhe disa takime”, thuhet në njoftimin e Kryeministrisë.

Prezent në takim do të jenë presidenti serb, Aleksandër Vuçiç, ai i Malit të Zi, Jakov Milatoviç, kryeministri i Kosovës Albin Kurti, i RMV-së, Dimitar Kovaçevski dhe presidenti i Këshillit të Ministrave të Bosnjës dhe Hercegovinës Borjana Kristo.

Pjesë e takimit informal të Athinës nuk do të jetë Shqipëria, ku presidenca përmes një reagimi zbuloi të premten se shkak për mungesën në takim është bërë axhenda.

LEXONI GJITHASHTU: 

• Shqipëria s’do të jetë pjesë në darkën informale të Athinës, reagon Presidenca
• Italianët ikin pa paguar në Berat, Meloni-ambasadorit: Paguaje dhe jep një deklaratë