Qeveria sllovene do të japë 3 mijë euro për çdo qytetar të prekur nga përmbytjet

Qeveria sllovene po punon për hartimin e një ligji emergjent në mënyrë që njerëzit e prekur nga përmbytjet shkatërruese të fundit të marrin një shumë parash prej shtatë shporta minimale të konsumit, tha sot Ministri slloven i Punës, Familjes dhe Çështjeve Sociale, Luka Mesec.

Një person që jeton vetëm duhet të marrë 3255 euro dhe një familje katër anëtarësh me dy prindër që punojnë dhe dy fëmijë të mitur duhet të marrin 11473 euro, raporton agjencia STA.

Mesec tha se qeveria mund të miratojë një projektligj emergjence të enjten që mund të miratohet nga parlamenti javën e ardhshme dhe të hyjë në fuqi që në shtator.

Qendrat për punë sociale do të përcaktojnë se kush mund ta marrë këtë mbështetje financiare nga shteti, e cila nuk është e destinuar vetëm për përfituesit e ndihmës sociale, por edhe për të gjithë ata që kanë pësuar “dëm të rëndë”, tha Mesec.

“Ideja është që të ndihmohen njerëzit që të paktën pjesërisht të ngrihen në këmbë”, tha ministri dhe konfirmoi se ende nuk janë përcaktuar detajet e kritereve për dhënien e ndihmës.

LEXONI GJITHASHTU:

• Përmbytjet në Slloveni, shkon në 6 numri i viktimave
• Përmbytje e zjarre, katastrofë nga reshjet në Slloveni e Austri, ‘digjet’ Portugalia