Kanosën biznesmenin në Krujë të tërhiqte kallëzimin për vjedhje, arrestohen auorët

Policia e Krujës ka arrestuar 4 persona të cilët kanosën me armë zjarri pronarin e një biznesi të shitjes së makinave.

Personat në fjalë kanosën biznesmenin me një armë zjarri tip pistoletë dhe një armë gjahu, me qëllim që ky i fundit të tërhiqte kallëzimin penal për njërin nga të arrestuarit, për vjedhje në biznesin e tij

Policia bën me dije se ka sekuestruar në cilësinë e provës materiale armët e zjarrit dhe 2 celularë.

Gjithashtu, në fshatin Picrragë janë gjendur disa bimë kanabisi që dyshohet se janë kultivuar nga shtetasi që dyshohet për vjedhje.

Materilaet në ngarkim të tyre i kaluan prokurorisë për veprime të mëtejshme.

“Shërbimet e Komisariatit të Policisë Krujë, pas marrjes së njoftimit për një konflikt me armë zjarri, në lagjen “Kastrioti”, Fushë Krujë, menjëherë kanë organizuar dhe finalizuar operacionin policor të koduar “Step by step”, për parandalimin e përshkallëzimit të mëtejshëm të konfliktit.

Në kuadër të këtij operacioni u bë arrestimi i shtetasve: E. B., 25 vjeç, A. H., 18 vjeç, të dy banues në fshatin Zallë; S. H., 42 vjeç dhe A. H., 18 vjeç, të dy banues në Borizanë.

Shtetasi S. H. dyshohet ka vjedhur në një biznes (njësi tregtare makinash), në pronësi të shtetasit B. H., i cili ka bërë kallëzim në Polici, për këtë shtetas. Më pas, shtetasi S. H., bashkë me 3 shtetasit e tjerë të arrestuar, ka kanosur me armë zjarri shtetasin B. H., për të tërhequr kallëzimin.

Gjithashtu, nga veprimet hetimore dyshohet se shtetasi S. H. ka kultivuar bimë narkotike që janë gjetur në fshatin Picrragë”, njofton policia.

LEXONI GJITHASHTU:

• Automjeti futet në pedonalen e Liqenit Artificial, përplaset me murin e digës
• Zhduket 25-vjeçari në Tiranë, e ëma ngre alarmin në polici