“Ju mblodha t”iu them se më tradhtoi”- Milioneri ndahet me të dashurën gjatë fejësës

Fejesa luksoze e një milioneri italian ka tërhequr vëmendjen e mediave botërore, për shkak të kurthit që ai kishte ngritur për të akuzuar të fejuarën e tij për tradhti në mes të ceremonisë.

Sipas Daily Mail, shoqëria e lartë italiane u trondit nga ajo që ndodhi në pallatin e 64-vjeçarit Massimo Segre në Torino. Të ftuarit e përzgjedhur që kishin shkuar për të festuar fejesën e bankierit të njohur me 47-vjeçaren Christina Seimandi, u bënë dëshmitar të ndarjes publike të çiftit.

Ndërsa Segre përgatitej të fillonte fjalimin e tij, të gjithë prisnin që ai t’i kushton të dashurës një fjalim prekës me fjalë të ëmbla, por rezultoi krejt e kundërta.

“Dua t’i jap Kristinës lirinë për të dashuruar. Më konkretisht, ajo dashuron një person tjetër, një avokat të dalluar për të cilin padyshim, kujdeset më shumë se sa për mua”, e nisi fjalimin e tij bankieri.

“E dashura ime Christina, e di sa e dashuruar je me të shpirtërisht dhe seksualisht. Dhe e di që më parë keni pasur lidhje me një industrialist që njihni”, vijoi “akuzat” 64-vjeçari duke lexuar copën e letrës ku kishte shkruar fjalimin.

“Mos mendoni se më vjen mirë të dukem si qyqe para të gjithëve… Kristina është aq e mirë në paraqitjen e të vërtetave të saj, sa nuk mund t’i besoja asaj për t’ju thënë arsyen pse po i jap fund lidhjes. Është një histori banale e tradhtisë para se të bëhej dasma. Jam shumë i zhgënjyer dhe i trishtuar”, shton bankieri, përpara se t’i uronte më të mirat ish-të fejuarës dhe t’i sugjeronte të shkone në Mykonos me të dashurin e ri.

LEXONI GJITHASHTU: 

• Avokatja: Tradhtia nuk është arsye e divorcit, gratë duan të kenë karrierë
• Avokati Selimaj: Në Kosovë nuk është tradhtia arsye e divorcit por ekonomia