VIDEO| Ronaldo dhe Mane dhurojnë spektakël, portugezi tripletë me Al Nassr

Al Nassr ka rrëmbyer fitoren e parë në këtë sezon të ri në Arabinë Saudite. Ekipi i drejtuar nga Luis Castro fitoi me rezultatin e thellë 0-5 në transfertë, ndërs shkëlqeu dyshja Ronaldo-Mane. Përballja me Al Fateh do të zhbllokohej në minutën e 27’ aty ku Sadio Mane shënoi golin e parë. 9 minuta më pas dyfishoi ylli portugez, i cili më tej do ta mbyllte përballjen me një tripletë.

Me nisjen e fraksionit tjetër erdhën dhe tre gola të tjerë me autorë Mane dhe dygolësh i Ronaldos. Kjo ishte një tjetër paraqitje pozitive e yllit portugez, i cili është padyshim lideri kryesor i Al Nassr, edhe pse skuadra në këtë sezon të ri nuk e ka nisur mirë.

Aktualisht Al Nassr renditet në vendin e 10-të në kampionat, ndërsa në dy javët e para pësoi humbje. Al Nassr është skuadra me më tepër buxhet të shpenzuar në këtë merkato verore, ndërsa pjesë e sfidës ndaj Al Fateh ishte dhe qendërmbrojtësi spanjoll Laporte, i cili vetëm pak orë më parë firmosi me skuadrën. Në krye të tabelës qëndron Al Ittihad, skuadra në të cilën luan dhe fituesi i Topit të Artë Karim Benzema, me 9 pikë të plota.