Anija ku hëngrën fëmijët polakë, e paautorizuar, denoncon kreu i AKU

20 fëmijë polakë u paraqiten në urgjencën e Vlorës mbrëmjen e së premtes me simptoma helmimi.

Një ngjarje kjo që krijoi shqetësim në opinionin publik shqiptar ne kulmin e sezonit turistik, duke ngritur pyetjen se sa të sigurt jemi për ushqimet që po konsumojmë.

Drejtorja e Autoritetit Kombëtar të Ushqimit, Jeta Deda tregoi në një intervistë për Euronews Albania se anija ku hëngrën fëmijët  polakë ishte e paautorizuar për të shërbyer ushqim në ambientet e saj.

“Nuk verifikuam vetëm anijen ku konsumuan ushqim, por  edhe subjektet e tjera ku  kanë ndaluar grupi i turistëve, janë marrë mostra për analiza, por rezultatet ende nuk kanë dalë. Në anijen ku ata kishin kryer një tur kishin konsumuar ushqim, ndërkohë që ajo ishte një anije që nuk ishte e autorizuar dhe nuk kishte deklaruar që do të shërbente ushqim”, tha drejtuesja e AKU.

LEXONI GJITHASHTU:

• Si ndodhi helmimi i turistëve polakë, 6 mln lekë gjobë anijes turistike
• Fëmijët polakë lënë urgjencën e Vlorës, gjendja nga helmimi e përmirësuar