Interi mposht Cagliarin, Lautaro shënon sërish, zikaltrit ngjiten në vendin e dytë

Milan, Inter, Napoli dhe Verona janë të vetmet skuadra të cilat e kanë nisur me dy fitore sezonin e ri në Serinë A.

Zikaltrit mposhtën të hënën në mbrëmje Cagliarin me rezultatin 2-0, ndërsa Lautaro Martinez ishte autori i njërit prej golave. Skuadra e Simone Inzaghit është paraqitur mirë në dy ndeshjet e para, ndërsa ka shënuar 4 gola dhe nuk ka pësuar asnjë.

Ndaj Cagliarit, goli i parë erdhi nga Dumfries, ndërsa në minutën e 30 dyfishoi Lautaro. Aq mjaftoi që Interi ta mbyllte ndeshjen me 3 pikë të fituara. Në përballjen tjetër të së hënës, Salernitana barazoi me Udinesen. Golat u shënuan nga Dia, më pas për miqtë realizoi Samardzic.

Ekipet nga Milano janë ato që e kanë nisur mjaft mirë këtë sezon, me Milanin që përkohësisht udhëheq tabelën e klasifikimit, me 6 gola të shënuar dhe vetëm 1 të pësuar. Ajo çka bie në sy janë humbjet e njëpasnjëshme të Lazios e cila u mposht nga Lecce e Genoa. Java e ardhshme premton disa sfida interesante si Roma-Milan, Napoli-Lazio apo Inter-Fiorentina.

LEXONI GJITHASHTU:

• Rivali ynë është Milani, rrëfehet Arnautoviç: Dua të fitoj tripletën me Interin
• Messi shënon në MLS, Inter Miami rikthehet tek fitorja, triumfon me rezultatin 2-0