“Rivali ynë është Milani”, rrëfehet Arnautoviç: Dua të fitoj tripletën me Interin

Marko Arnautoviç ishte rikthimi i madh i Interit, me austriakun që rikthehet në Meazza pas plot 13 vitesh. Sulmuesi është shfaqur i entuziazmuar me këtë transferim tek skuadra italiane, ndërsa debutoi në përballjen ndaj Monzas, aty ku triumfuan me rezultatin 2-0.

Në një deklaratë për mediat, 34-vjeçari ka shprehur dhe synimet e tij me skuadrën.

“Para së gjithash Scudetton, ne do të luftojmë për yllin e dytë. Tripleta nuk është e lehtë. Edhe para trembëdhjetë vjetësh askush nuk e besonte në fillim të sezonit, nuk e dini kurrë. Por nuk është e lehtë, duhet të bëjmë shumë, nuk mund të them se ku do të arrijmë në fillim të sezonit. Do të ishte një ëndërr për të gjithë ne lojtarët dhe për klubin”, tha Arnautoviç.

Më tej, Arnautoviç ka zgjedhur dhe skuadrën të cilën cilëson si rivalen kryesore në kampionat.

“Rivali i parë është gjithmonë Milani, në Milano është një nga derbit më të mëdhenj në botë. Në këtë merkato e kanë forcuar skuadrën, por ne nuk kemi frikë nga askush”.

Marko Arnautoviç iu bashkua vetëm pak ditë më parë Interit, ndërsa sulmuesi u kushtoi zikaltërve afro 10 milionë euro.

LEXONI GJITHASHTU:

• Milani mposht Bolonjën, Giroud: Ky ekip është spektakolar
• Milani vazhdon presionin mbi Chelsean për Armando Brojën