Deklaratat e Bërnabiç në Forumin e Bledit, reagon deputeti shqiptar në Serbi

Deputeti shqiptar në Serbi, Shaip Kamberi, ka reaguar lidhur me fjalimin e kryeministres serbe, Ana Bërnabic, të bërë të martën në Forumin e Bledit në Slloveni.

Ai ka interpretuar fjalët e saj, duke thënë se mesazhi që u dërgoi shqiptarëve të Luginës së Preshevës ishte “mos kërkoni të drejta, mjafton që nuk po ju vrasim”.

“Bërnabiç paska thënë se ‘shqiptarët në Luginë të Preshevës nuk i qëllon askush’. Faktet flasin diçka tjetër. Kur jemi tek të drejtat që garantohen edhe gëzohen, situata është krejtësisht tjetër nga ajo që pretendon Bërnabiç”, ka komentuar ai.

Në fund, Kamberi ka përmendur se ndërsa serbët në Kosovë kanë 10 vende të garantuara në Parlament dhe dy ministri, shqiptarët në Serbi duhet të luftojnë për një vend në parlament.

LEXONI GJITHASHTU:

• Kurti sot në Forumin Strategjik të Bledit, e pranishme edhe Ana Bërnabiç
• Kurti replikon me Brnabiç: Dua të normalizoj marrëdhëniet, por me Serbinë e vështirë