Agjenti imobiliar: Te Pazari i Ri s’gjen shtëpi poshtë 2200 euro/m2

Rritja e numrit të të huajve që zgjedhin të jetojnë në Shqipëri ka shtuan blerjet e apartamenteve, ndërsa kërkesat janë rritur me 42%.

Reinaldo Pipiria, drejtor i Shoqatës së Pasurive të Paluajtshme  tregoi në një intervistë për Euronews Albania se çmimet e apartamenteve janë shtrenjtuar në kryeqytet dhe tashmë janë të rralla zonat ku mund të blihet një apartament poshtë 700-750 euro/metri katror.

Ai tregoi se në zonën e Kombinatit mund të gjesh ende, edhe pse rrallë apartamente me 700-750 euro/m2, ndërsa në qendër, në zonën e Pazarit të ri, nuk ka shtëpi poshtë 2200 euro/m2.

“Në qendër historikisht zona e Pazarit të Ri ka qenë 2 mijë euro metri katror dhe është rritur me 10 për qind duke shkuar në 2200 euro/’m2. Zona e liqenit ka shkuar në 2500-3500 euro/m2. Këto janë zona elitare, që kur blihen përdoren për investim, për biznese ose për t’i dhënë me qira për të huajt”, tregoi ai.

LEXONI GJITHASHTU:

• Spahiu: Populli të protestojë kundër ligjit për 3-fishimin e taksës apartamenteve
• A do të rriten çmimet e apartamenteve? Ja zonat më të lira në Tiranë