Angazhimi i KE për zgjerimin, Rama: Autobusi i ngadaltë i BE-së, një vend interesant

Kryeministri Edi Rama ka rishpërndarë në rrjetin social “X”postimin e komisioneri Evropian për fqinjësinë dhe Zgjerimin, Oliver Varhely, ku ky i fundit falenderon Këshilli Evropian që më në fund dëshiron të angazhohet dhe të bëjë një hap të madh për zgjerimin e BE-së drejt Ballkanit Perëndimor, deri në vitin 2030.

Rama në reagimin e tij thekson se fjalimi i papritur të Presidentit Michel në Forumin Strategjik të Bled për zgjerimin, e bëri autobusin e ngadaltë drejt BE-së një vend interesant për të qëndruar.

Rama falenderon Varheleyin për mbështetjen e rrugëtimit të Ballkanit Perëndimor drejt BE-së dhe shprehet se është në pritje të asaj që mund të vijë më pas për sa i përket proceseve integruese.

“Komisioneri ynë që nuk e zhgënjeu kurrë rajonin tonë, veçanërisht në kohë të vështira. Duhet pranuar se pas fjalimit të papritur të Presidentit Michel në Forumin Strategjik të Bled, autobusi i ngadaltë i BE-së po bëhet një vend interesant për të qëndruar edhe pa ndonjë vend të lirë – pa dyshim pasagjerët nga Ballkani Perëndimor mund ta durojnë këtë udhëtim të gjatë teksa bisedojnë me zë të lartë me djemtë ngjitur. Le të dëgjojmë se çfarë ka më pas”, shkruan Rama në X.

Postimi i Oliver Varhelyi:

E mirëpres që Këshilli Evropian dëshiron të angazhohet më në fund të bëjë një hap të madh për të realizuar zgjerimin e BE-së. Komisioni Evropian ka qenë gjithmonë i gatshëm të bëjë çdo propozim që do të na çonte drejt Zgjerimit të vitit 2030.

LEXONI GJITHASHTU:

• Charles Michel: Deri më 2030 BE dhe shtetet kandidate të jenë gati për zgjerim
• “Më mbyti Alabari, shko shife”- Rama inspekton godinat për të prekurit nga tërmeti