“Më mbyti Alabari, shko shife”- Rama inspekton godinat për të prekurit nga tërmeti

Kryeministri Edi Rama ka inspektuar këtë të enjte lagjen “Rilindja”, në Spitallë të Durrësit, ku me financimin e Presidentit të Emirateve të Bashkuara, Sheikh Mohammed Bin Zayed, po përfundon ndërtimi i  996 apartementeve që do të strehojnë familjet e prekura nga tërmeti në zonë.

Punimet në këtë bllok apartamentesh po kryhen nga sipërmarrja e ndërtuesit të Portit të Ri Turistik të Durrësit, Mohamed Alabbar.

Gjatë inspektimeve kryeministri ishte i shoqëruar nga kryetarja e Bashkisë së Durrësit, Emiriona Sako dhe supervizori i kompanisë së Alaabar.

Në fjalën e tij Rama shprehu vlerësime për punimet e kryera dhe e cilësoi investimin si të jashtëzakonshëm.

“Më mbyti Alabari shko shife, por se dhe unë e mbyta. E bëri këtë ai investim i jashtëzakonshëm. Shi sa bukur”, thotë Rama teksa bisedon me surpervizorin e kompanisë.

Sakaq kryetarja e Bashkisë Sako, bëri me dije se është bërë ndarja e apartamenteve, ku sipas saj në bllokun e ri në Spitallë do të strehohen jo vetën familje nga Durrësi, por dhe familje nga zonat përreth që preferojnë të zhvendosen dhe të jetojnë aty.

LEXONI GJITHASHTU:

• Rama i akordon Yllin e Mirënjohjes Fatos Nanos: Lutem në këto orë të vështira për të
• Arrestimi i Belerit, Rama për ERT: S’mund të ketë 2 drejtësi, nuk përzihemi me SPAK