Festivali i filmit në Venecia/ Aktori aziatik Leung merr Luanin e Artë për karrierën

Aktori dhe këngëtari nga Hong Kongu, Tony Leung mori Luanin e Artë për arritjet në karrierë natën e së shtunës në Festivalin e Venecias.

Artisti ka interpretuar më parë në tre filma që kanë fituar çmimin në fjalë në të kaluarën. Ata janë: “Qyteti i trishtimit” në vitin 1989, “Cikli” në 1995-n dhe “Epsh dhe Kujdes” në 2007-n, me regji të Ang Lee.

Ishte ky i fundit që prezantoi aktorin kur mori çmimin e shumëpritur.

Ndërkaq, në tapetin e kuq u verifikua edhe një protestë e vogël në mbështetje të qytetarëve iranianë që po luftojnë për liri.

Anëtarë të jurisë si Damien Chazell, Martin McDonagh, Jane Campion dhe Saleh Bakri qëndruan në rresht së bashku me protestuesit në Pallatin e Kinemasë, për të ngritur shqetësimin mbi situatën në të cilën ndodhet populli iranian.

Në një komunikatë për shtyp, organizatorët e festivalit deklaruan se “Bienalia e Venecias” shpreh solidaritetin e saj me gratë dhe burrat e popullit iranian, që po luftojnë për liri dhe kundër represionit, si dhe ndaj artistëve që janë arrestuar dhe burgosur.

LEXONI GJITHASHTU: 

• Komandanti ukrainas: E kemi thyer linjën e mbrojtjes ruse në jug
• Aksident me vdekje në Valias, humb jetën 22-vjeçarja